તિબેટિયન ર્મૂતિકાર રશિયામાં સૌથી ઊંચી બૌદ્ધ પ્રતિમા બનાવશે

મોસ્કો, 4 એપ્રિલ

સિંહાસન પર બેઠેલા બૌદ્ધની ૧૫ મીટર ઊંચી પ્રતિમા લાખો ડોલર દાનથી બનાવાઈ રહી છે

રશિયાના તુવા પ્રાંતમાં તિબેટના ર્મૂતિકાર બૌદ્ધની પ્રતિમા બનાવી રહ્યા છે, જે દેશની સૌથી ઊંચી બૌદ્ધ પ્રતિમા હશે. તુવા બૌદ્ધિસ્ટ યુનિયનના અધ્યક્ષ બુઆન બસ્કાઈના જણાવ્યાનુસાર આ પ્રતિમામાં બૌદ્ધ ભગવાન સિંહાસન પર બેઠેલા બતાવવામાં આવશે. પ્રતિમાને બૌદ્ધ ગણરાજ્યની રાજધાની કાઇજિલમાં ડોગી માઉન્ટેન પર સ્થાપવામાં આવશે. તુવાની વસતી ૩,૧૯,૦૦૦ વસતી છે,તેમાંથી ૫૩ ટકા લોકો બૌદ્ધિસ્ટ છે. ૨૦૧૧થી છ મીટર ઊંચા સિંહાસનનું ચાલી રહ્યું છે અને હવે બૌદ્ધ પ્રતિમા બન્યા બાદ તેની ઊંચાઈ લગભગ ૧૫ મીટર સુધીની થઈ જશે. આ પ્રતિમાના નિર્માણનો ખર્ચ અંદાજે ૩,૮૩,૦૦૦ લાખ ડોલરથી ૪,૧૫,૦૦૦ લાખ ડોલર છે, જોકે દાનમાં મળનારા રૃપિયાથી જ પ્રતિમા તૈયાર કરવામાં આવી રહી છે.

હાલ પશ્ચિમ રશિયાના કાલ્માઇકીના ઇલિસ્ટામાં બૌદ્ધની સૌથી ઊંચી પ્રતિમા છે. તેની ઊંચાઈ ૧૦ મીટર છે. આ પ્રતિમા યુરોપમાં સ્થિત બૌદ્ધની પ્રતિમાઓમાંથી સૌથી ઊંચી છે. વિશ્વનું સૌથી ઊંચું બૌદ્ધ સ્મારક ચીનના હેનાન પ્રાંત સ્થિત સ્પ્રિંગ ટેમ્પલ બુદ્ધામાં મૂકવામાં આવેલું છે. તેની ઊંચાઈ ૧૫૩ મીટર છે.